今日仲有大半日free, 呢兩日真係冇咩嘢做過~
催了又催, 師傅終於上嚟再整整度門~ 真的很煩~ 希望今次之後唔洗再整~

早幾日網購d貨到了,
lunch time趁佢哋未返嚟, 將d貨搬返屋企先,
如果唔係放工就唔知點偷運出公司門口~

2009年11月08日

至今仍冒着「斷六親」的危險而拒絕進入「面書」，非因我討厭那個既虛擬又真實的人際網絡，相反，我知我一定會愛上至不能自拔。
如果有一日我在 Facebook註冊了，將有甚麼事發生？這個世界將減少一個填詞人和一個專欄作者。不是蝴蝶效應。
對着電腦更久的話，我一定會停產兼破產──不務所有正業，郵購太多垃圾。

一 Click之遙
從前在佛羅倫斯有這麼一間小小的時裝店，牌子多量少而眼光好。你知道嗎？對我來說翡冷翠和威尼斯都是「一生必到一次」的地方，然而卻是真的「一次就夠晒數」，大衞像和嘆息橋到此一遊已死而無憾，翻啅反而有機會 OD， overdose。
我卻再三重回 Firenze，可以想像那爿小店進的貨多麼「啱心水」。
在購物狂的眼中，一間店就足已振興一座城，但摧毀她更容易，一 click就可以，甚至不是軍事基地啟動越洲飛彈的那一 click，而是每個家庭書桌上接通互聯網的一 click，對，又關高錕事。
2002年之後就沒去過佛羅倫斯了，只因那間有趣的店，移磡就船千里迢迢搬到我家的顯示屏上，由 A至 Z的名牌新貨我足不出戶手指篤篤便有，而且 24/7，何必再飛意大利？
我用了 7年時間見證着這間店這個網頁的發育：首先是 server加速了；然後買滿若干數目免郵費；繼而出現各國幣值的即時換算；後來，據說這間時裝店每次到各地時裝周入貨時，進 showroom前必定自備男女模特兒各一，即時試穿拍照定價 upload，所以今朝才在天橋上曝光的新裝，下午你已能在地球上任何一個角落下定單，保證你自己 6個月後得到心愛的款式正確的尺碼。
其實我懷疑，在 Florence那間現實的店今天還在不在？根本沒必要嘥燈油火蠟，網上的生意早已遠遠超越了門市吧？
我從來不相信健身修身是必要的，現在卒之給我找到一個好處──將自己的身體練成國際標準的 size 48，方便在各大 e-shop買衫，連「冇得試身」的唯一擔心都可免卻，從此，「行街」和「買衫」可以正式脫離關係，各不相干。

心急人上
口口聲聲話自己畢生心願是有套 Haute Couture，但問心我其實喜歡現兜兜的 Pret-a-Porter多於等死人的度身訂做，唉，落定後起貨前中間的「漫漫歲月」，總是令人提心吊膽：唔知趕唔趕得起呢？唔知會唔會整錯呢？
現在網上購物後的「郵遞焦慮症」其實感覺類似，「要等」，就算只是三日，對沒有耐性的 shopper來說都算是種倒退吧，而我，居然屈服到開始覺得「提心吊膽」是種享受，每次放工回家發現枱頭有大盒包裹在迎接我，甚至是足已抵消單思之苦的 bonus㖭。
似乎，新郵購時代已經降臨。
以前我覺得拿着「日本家品郵購目錄」的人有種「隔山買牛」的荒謬可笑；現在我連自己出國旅行的戰利品都想「寄得就寄」，能寄多遠就多遠。
自從和「行街」分手之後，最近和「買嘢」玩得最埋的是「寄嘢」。

「買嘢」與「寄嘢」
十幾年前我在東京專揀隔鄰有郵便局的書店家品店才幫襯，左手買完包好右手填表寄出，慳番不少臂力與過磅費。
生命裏第一次環遊世界，最大的技術困難也是靠「郵差叔叔送信純熟迅速送出」才得以解決，是，一口氣穿梭十幾個購物天堂，惟有站站將新衫裝箱寄返屋企先有可能拎得晒。
在歐洲美洲很多時裝名店都願意替你將新置的靚衫送抵香港府上，只要你肯另付「宅急便」的費用；就算外賣的地址超越了「麥麥送」的服務範圍，至少也肯將一袋二袋運回貴客下榻的酒店，省你一天當苦力。
樣樣力圖盡善盡美的日本，偏偏在送貨這方面最麻煩，大部份的大店就算你肯畀錢都唔願替你安排速遞公司，肯的也限時限刻規矩多多，最慘是他們普遍的國民英語水準是進步了，卻仍未夠掃走你們之間的那座巴別塔。
以下是我前年的奇遇！
星期一在 Yohji買了大堆衫，由於剛過下晝 5點，速遞公司講明要星期三朝早才送到酒店， fine！反正那幾十磅我們真的拿不動。
星期三晚回到酒店房，死火，依然未見我們等的包裹，而我們明天早機回港。
打電話落 front desk，遇着流利英語的職員都下了班，講了一大輪他們才明白我想 check吓有沒有未運上房的代收郵包，又搞了半天他們才說沒有。呢次慘咯！
正當我在盤算明天應改晏機票還是返香港才追查時，門鐘響了。原來他們又說找到了所以送過來。
我馬上拆開盒子一看，咦，點解係堆舊報紙，揭開報紙入面的確有批衫，卻是廿幾件舊衫，而且是阿公阿婆的舊衫，更恐怖的是，是廿幾件阿公阿婆的污糟舊衫（包括有異味的孖煙囱），我們看看寄件者地址是山形縣的神田家（首先，點解會有人從家鄉寄一批未洗的舊衫出嚟東京畀兩個住緊酒店的阿公阿婆呢？），我們當然無細究原因便拿拿臨 call返酒店員工上來收回郵包，並懇求他們徹底搜索一下儲物室有沒有我們的東西（如果冇就大鑊啦！），結果他們係係係都唔知明唔明地拿着那箱「古着」離開了。
又等了心急如焚的大半粒鐘。
終於，門鈴又叮噹了。正當我懷着迎接山本耀司 07秋冬新裝的心情打開房門，今次門外站着的居然是個似元秋的日本大嬸，她邵音音地對我說：「罵沙住？」我話吓？佢話「罵沙住」，左右手都舉起拇食中指按動空氣「罵沙住」，哦！ Massage！嚇得我吖，明明買了 Yohji為甚麼無端端變了 Versace？
「 No罵沙住， sorry」我向她解釋完後元秋姐還給了我一個「玩嘢呀 o靚仔」的眼神才憤然離開。
故事的結局是圓滿的反高潮：箱嘢搵得返，講完，冇笑料。
Text by黃偉文

http://hk.apple.nextmedia.com/template/apple/art_main.php?iss_id=20091108&sec_id=462&art_id=13396958
 

星期六開始已經有點風邪気味。。。

今日一返到公司就渴睡...瞓完又瞓...
難得冇fax、冇電話、冇門鐘, 靜到不得之了~ GD!
發燒定只係熱氣咋...好熱

早幾日朋友講開MK有陣臭味...
終於明白了~
由一出地鐵喺月台迫上閘口期間...短短一段路,
作嘔了4次, 仲要眼濕濕...望見周圍嘅人見到我都表露出疑惑的表情...你估我想嘅咩...

學會MEETING~ (for 高級會員 only, 仲要身上要有色別配件)
dinner @ 風月亭, 落完order, 大家就急不及待立即分贓~哈哈哈哈~
其實我已經忘記咗買咗D咩~
食到好飽~ 行一陣街, 再去食CAKE~~うまい～
一邊食一邊傾返以前學校miss亞sir D嘢~ 
由於班主任問題, 天使與魔鬼, f.2時真係日日都唔想返學架~
當時日日諗點解咁命苦, 會入咗lee班。日日都有人做主角, 只係個主角係咪自己~

tammy & mr.lee影畢業相
一早去了飲茶, 叫咗咁多嘢食到飽飽, 每人都係50蚊~好抵~

之後過poly影相...
影咗4個幾鐘, 原來影相係咁攰架~

跟住再去九龍城食泰國嘢~
由於我唔食辣嘢, 所以每碟都有人同我試味, 試咗冇辣味就話「lee樣可以食」~
哈哈哈~ 很搞笑~

終於試咗魔鬼cake,
雖然好like朱古力,
但都係覺得天使cake好味d~~

約咗sammy & blue喺鰂魚涌食早餐

去tst行咗陣,
再上去18/f拎機票, 今次明明仲早過上次, 竟然等得仲耐~
不過今次就好快搞掂~

原本之前喺約ar yee食lunch, 但我哋都覺得tea個menu吸引d, 就行到夠鐘先去食~
個dessert好好食呢~ 如果有埋個咖啡jelly仲好味~~

諗到買咩禮物lu~
真係好難諗呢~ 兩手fing fing去又唔係咁好, 我又唔想送公仔同花~
結果揀了支香檳~
原來一支酒係咁重架...喺tst拎返屋企, 聽日又要拎出tst...突然好想有locker可以俾我擺嘢呢~
如果唔係要嚟送禮, 要我拎住咁重返屋企, 好大可能我會飲咗佢都唔拎咁遠~~ hehehe~

終於找到了~
仲要搵到成set呢~
貴係貴咗少少, 不過都抵gei~~

差D唔知醒...
Zzzz途中電話冇電...自動熄咗機...
如果唔係發夢扎醒咗...實唔知瞓到幾點~

喉嚨痛...把聲變晒...
好眼瞓...好辛苦...好在gigi唔喺度~
好想快d返屋企瞓~~~

我喺電話真係聽唔出把聲架~
唔知咩no. / 冇來電顯示的話, 有9成機會都諗唔到係邊個...

其實我未去過嗰間shop
其實我只係去過明洞兩次
其實我去嗰兩次都未有lee間shop
其實我次次都係搵人幫我買lee間shop嘅嘢
但點解我會講得出間shop喺邊個位呢？
期待期待期待~~~